Isaias Samuel “Iyo” Pimentel

Nòmber: Isaias  Samuel “Iyo” Pimentel
Fecha Nasementu: 16 di febrüari 1933
Lugá: Kòrsou
Deporte: Tènis

A drenta salon di fama 1986

Iyo ta un tenista yu di Kòrsou ku den añanan 50 pa 60 a optené fama mundial riba kancha di tènis.

Iyo a bira interesá den e deporte aki dor ku diariamente e tabata mira hende práktika e deporte aki riba kanchanan di CSC bieu na Skalo. E mes a traha un raket di palu i ku esaki e tabata hunga, te ku un dia un hende a regal’é su promé raket di bèrdat. Ku 13 aña Iyo a disidí di inskribí su mes den kampionato hubenil, kual el a gana. Na edat di 15 aña Iyo a bira kampion senior di dòbel huntu ku su ruman Ramon. Ku 16 aña Iyo a optené e kampionato maximo di Kòrsou esta kabayero single.

Iyo a mantené e titulo aki pa 3 aña konsekutivo. Riba invitashon di Venezuela Iyo a bai hunga un torneo ayanan i el a sabi di gana e kampion Venezolano i a disidí na keda Venezuela. Bou di bandera Venezolano ku edat di 17 aña Iyo a partisipá na weganan Sentro Amérika y del Caribe den kual el a sabi di gana medaya di bròns. Na aña 1953 Iyo a gana e kampionato máksimo di Venezuela kual ta un titulo ku el a mantené 13 aña largu.

Na aña 1961 y 1965 Iyo a partisipá na weganan Bolivariano y a bira kampion den tur e dos evenementonan aki. Bou di bandera Venezolano Iyo a partisipá den hopi torneo internashonal entre kual Oranje Bowl den kual el a penetrá te den final di dòbel. Den kampionato Sur-America na 1958 den e partido di final despues di bentaha di dos set Iyo a kibra su rudia i despues di un operashon Iyo mester a keda inaktivo pa 2 aña. Den su karera tenistiko Iyo a partisipá den tur torneo ku ta partisipá na e Grandslam manera Oustraliano Open, Wimbledon, Flushing Meadows y Fench Open i semper el a wòrdu pone den e main draw. Den total Iyo a hunga 8 torneo di wimbledon y na aña 1961 el penetrá te den kuart final y tabatin e honor di hunga riba Center Court na Wimbledon loke ta pa mayoria di tennista un soño. Iyo ta konsiderá aña 1961 komo su GRAN aña den tènis.

E aña ei el a pertenesé na e promé 10 hungadónan riba ranking mundial. Na aña 1965 e tabata e último aña ku Iyo a partisipá den e GRANSLAM i el a bolbe hunga riba center court na wimbledon, Su siguiente aña el a hunga su último Davis Cup pa Venezuela, un torneo ku el a hunga 5 biaha total. Iyo su satisfakshon mas grandi riba tereno deportivo ta, di tabatin e honor di hunga riba center court na Wimbledon. 

 

English Version

Iyo is a tennis player from Curaçao who gained worldwide fame on the tennis court in the 1950s and 1960s.

Iyo became interested in this sport as he watched people practice it daily on the old CSC courts at Skalo. He even made a wooden racket for himself and played with it until someone gifted him his first real racket. At the age of 13, Iyo decided to enroll in the youth championship, which he won. At the age of 15, Iyo became the senior doubles champion with his brother Ramon. At 16, Iyo won the top championship in Curaçao, the men’s singles.

Iyo held onto this title for three consecutive years. On an invitation from Venezuela, Iyo went to play a tournament there and won the Venezuelan championship. He decided to stay in Venezuela. Under the Venezuelan flag at the age of 17, Iyo participated in the Central American and Caribbean Games, winning a bronze medal. In 1953, Iyo won the top championship in Venezuela, a title he held for 13 years.

In 1961 and 1965, Iyo participated in the Bolivarian Games and became champion in both events. Under the Venezuelan flag, Iyo participated in many international tournaments, including the Oranje Bowl, where he reached the doubles final. In the South American Championship in 1958, in the final match, after a two-set advantage, Iyo suffered a knee injury. After an operation, he had to remain inactive for 2 years. In his tennis career, Iyo participated in all Grand Slam tournaments such as the Australian Open, Wimbledon, Flushing Meadows, and the French Open, always making it to the main draw. In total, Iyo played in 8 Wimbledon tournaments, and in 1961, he reached the quarterfinals, fulfilling the dream of playing on Center Court at Wimbledon, considered by most tennis players a dream. Iyo considers the year 1961 as his GREAT year in tennis.

That year, he belonged to the top 10 players in the world rankings. In 1965, he played his last Grand Slam, returning to Center Court at Wimbledon. The following year, he played his last Davis Cup for Venezuela, a tournament he played a total of 5 times. Iyo’s greatest satisfaction in sports is having had the honor of playing on Center Court at Wimbledon