Hubert Dominicus Jansen, a nasé dia 20 di desèmber 1933.
Hubert su karera komo dirigente di deporte a kuminsá dia Hubert tabata tin 18 aña el a bira sekretario di basketball team Aquino. Tres aña despues Hubert a asumí e puesto di sekretario di Curaçaose Basketball Bond (CUBAFE). Hubert ta tambe ko-fundadó di Nederlands Antilliaanse Basketball Federatie (NABAFE), kaminda Hubert a sirbí e federashon komo vise presidente.
No muchu tempu despues petishon a drenta pa Hubert postulá su mes pa miembro di direktiva di Curaçaose Voetbal Bond (CVB) i a bira segundo sekretario, despues sekretario i finalmente presidente di Curaçaose Voetbal Bond, kual Hubert a dirigí pa 2 aña. Debí ku Hubert no tabata muchu di akuerdo ku algun dirigente pa e forma ku nan ke a bini ku futbòl pagá na Kòrsou, Hubert a bandoná e deporte rei komo dirigente.
Hubert pa hopi aña a fungi komo sekretario di Komité Olímpiko di Antia Ulandes (NAOC).
Na 1977 huntu ku defuntu Hubert “Ibi” Schoop a fundá e organisashon di futbòl infantil (ORFIK).
Hubert a fungi tambe komo sekretaio i presidente di Royal Scorpions BBC i tambe pa un periodo kòrtiko komo vise presidente di Federashon di Baseball di Kòrsou.
Loke hopi hende no sa ta ku tempu ku Hubert tabata traha na Landhuis Hel komo enkargado na “Afdeling Volksontwikkeling & Cultuur” riba su proposishon a kambia e nòmber pa SEDREKO, ke men Hubert a traha e nòmber aki ku ta nifiká “Servisio pa Deporte i Rekreashon Kòrsou”, kaminda el a traha te ora Hubert a baha ku penshon dia 20 di desèmber 1989.
Na 1990 Hubert a risibí su kondekorashon real komo “Ridder in de Orde van Oranje Nassau”.
Hubert ta gradisido na deporte ku a dun’é e oportunidat di por a biaha kasi rònt mundu.
Hubert ke a gradisí dos persona ku lastimamente no tei mas ku nos riba e mundu aki ku ta su señora Poppy i su mentor den deporte Pedro Odulio “Doe” Willems.
English Version
Hubert Dominicus Jansen, born on December 20, 1933.
Hubert’s career in sports administration began when, at the age of 18, he became the secretary of the Aquino basketball team. Three years later, he took on the role of secretary for the Curaçaose Basketball Bond (CUBAFE). Hubert is also a co-founder of the Nederlands Antilliaanse Basketball Federatie (NABAFE), where he served as vice president. Not long after, Hubert submitted a petition to become a member of the board of the Curaçaose Voetbal Bond (CVB). He became the second secretary, then secretary, and eventually the president of CVB, a position he held for two years. Due to disagreements with some officials over the direction they wanted to take football in Curaçao, Hubert left the sport as an administrator.
For many years, Hubert served as the secretary of the Antillean Olympic Committee (NAOC). In 1977, together with the late Hubert “Ibi” Schoop, he founded the youth football organization (ORFIK).
Hubert also functioned as the secretary and president of the Royal Scorpions BBC and, for a brief period, as vice president of the Curaçao Baseball Federation. Many people may not know that during Hubert’s time working at Landhuis Hel as the head of the “Department of Public Development & Culture,” he proposed changing the name to SEDREKO, meaning “Service for Sports and Recreation Curaçao.” He worked there until his retirement on December 20, 1989.
In 1990, Hubert received the royal decoration of “Ridder in de Orde van Oranje Nassau.”
Hubert is grateful to sports for giving him the opportunity to travel almost around the world.
He expresses gratitude to two individuals who unfortunately are no longer with us on this earth: his wife Poppy and his sports mentor Pedro Odulio “Doe” Willems.