Celsio Victor Polinet (Futbol)
Deportista
a nasé dia 15 di yüni 1939.
Celsio Polinet a nase dia 15 di yüni 1939 na Kòrsou. E la biba den Dòmi i Mundu Nobo i bai skol un ratu na Niewindt College i despues na St. Thomas College tantu abou komo ariba.
Polinet, for di edat hóben, na aña 1954, a praktiká futbòl riba e tereno di bala na Mundu Nobo, hungando asina un chèns presentá ku e ekipo di Estudiantes komo “linksbuiten” i despues den Sithoc Jr. Ta despues, riba un dia i riba petishon di Frater Andreas, Polinet a bai hunga den gol.
Polinet, dado momentu, na edat di 15 aña i 8 luna, a hañ’é ta remplasá Reintje Minguel, ku a disidí di bai konsentrá riba vòlibòl en bes di futbòl. Na aña 1955, Polinet a debutá ku e promé onsena di Sithoc, kulminando su karera den Sithoc, ku e promé título di kampion di Kòrsou na aña 1961 I 1962, bou di direkshon tékniko di Shon Haseth. E Sithoc di entre otro Toka Beltrand, Jossy Bibiana, Ro Valerian, Carlos Regales, Ruben Cathalina, Kalulu Comenencia, Eugene Testing, Ronald Pinedo, Ronchi CarloiI Olario. Den Sithoc aki, Celsio Polinet a haña e bijnaam di “onze keeper”.
No a dura mashá, ku Polinet a haña invitashon serka e direktor tékniko di e tempu ei, Don Pedro Da Cunha, pa e djòin selekshon B di Kòrsou, kaminda e mester a kompetí ku Ergilio Hato i Chebu Pinedo pa subi i yega na un puesto den selekshon A. Polinet ta debutá na aña 1956, remplasando Ergilio Hato, kontra e ekipo brasileño Botafogo i a bira despues e kiper di konfiansa di Pedro da Cunha, ku tabata yama Celsio, “Polinetti”.
Polinet, despues di esei a sigui desaroyá I progresá komo kiper, hungando mas ku 60 wega internashonal, defendiendo gol di Antia/Kòrsou kontra entre otro selekshonnan di Méhiko, Costa Rica, El Salvador, Guatemala, Haiti, Honduras, Sürnam, Colombia, Venezuela, Hulanda. Ekiponan mundialmente konosí ku Polinet a topa ta entre otro Fluminense, Santos, Flamengo, Botafogo, tur di Brasil, Universidad Católica di Chile i Danubio di Uruguay.
Klaro ku Polinet a haña tambe diferente oferta pa hunga futbòl den eksterior. Di México, Costa Rica, di Schalke 04 (ekipo aleman) i di Dinamarka.
E ANANAN KU CELSIO POLINET A DESTAKA KU SU AKTUASHON:
1955: Polinet ta debutá ku e promé onsena di Sithoc i ta bira tambe un di e kipernan di selekshon di Antia/Kòrsou.
1956: Polinet remplasando Ergilio Hato kontra Botafogo di Brasil
1956: Kiper di e selekshon hubenil (te ku 18 aña) na e Kampeonato Sentro Amerikano i di Karibe na El Salvador, birando sup-kampeon tras di El Salvador. Aki prensa salvadoreño a duna Polinet e bijnaam di “el hombre elástico”.
1957: Kiper di selekshon na Weganan Sentro Amerikano i di Karibe akí na Kòrsou, birando sup- kampeon tras di Costa Rica, ku a bai ku e título.
1958: Kiper di e selekshon di Kòrsou riba un gira pa Oropa, hungando entre otro na Hulanda, Dinamarka, Suesia, Noruega, Alemania i Fransia.
1959: Kiper di e selekshon di Kòrsou kontra Santos di Brasil, ku a kaba di bira kampeon di mundu di klupnan, defendiendo su gol kontra Pele.
1961 – 1962: Kampeon di Kòrsou ku Sithoc di Shon Haseth.
English Version
Celsio Victor Polinet (Football)
Athlete
Born on June 15, 1939.
Celsio Polinet was born on June 15, 1939, in Curaçao. He lived in Dòmi and Mundu Nobo and attended school for a while at Niewindt College before continuing his education at St. Thomas College both at the junior and senior levels.
From a young age in 1954, Polinet began playing football on the Mundu Nobo field, presenting himself as a left-winger for the Estudiantes team and later for Sithoc Jr. At a certain point, on Frater Andreas’ request, Polinet switched to playing in goal.
At the age of 15 years and 8 months, Polinet replaced Reintje Minguel, who had decided to focus on volleyball instead of football. In 1955, Polinet debuted with Sithoc’s first team, culminating his career with Sithoc, winning the first Curaçao championship titles in 1961 and 1962 under the coaching of Shon Haseth.
In this Sithoc team, including players such as Toka Beltrand, Jossy Bibiana, Ro Valerian, Carlos Regales, Ruben Cathalina, Kalulu Comenencia, Eugene Testing, Ronald Pinedo, and Ronchi CarloiI Olario, Celsio Polinet earned the nickname “onze keeper” (our goalkeeper).
Polinet received an invitation from the coach at the time, Don Pedro Da Cunha, to join the Curaçao national B team, where he had to compete with Ergilio Hato and Chebu Pinedo for a place in the A team. Polinet made his debut in 1956, replacing Ergilio Hato against the Brazilian team Botafogo, becoming Pedro da Cunha’s trusted goalkeeper, known as “Polinetti.”
Following this, Polinet continued to develop and progress as a goalkeeper, playing in over 60 international games, defending Curaçao against teams from Mexico, Costa Rica, El Salvador, Guatemala, Haiti, Honduras, Suriname, Colombia, Venezuela, and the Netherlands.
Internationally renowned teams that Polinet faced included Fluminense, Santos, Flamengo, Botafogo (all from Brazil), Universidad Católica (Chile), and Danubio (Uruguay). Polinet also received various offers to play football abroad, including from Mexico, Costa Rica, Schalke 04 (German team), and Denmark.
Key Highlights of Celsio Polinet’s Career:
1955: Debut with Sithoc’s first team and became one of the goalkeepers for the Curaçao national team.
1956: Replaced Ergilio Hato against Botafogo from Brazil.
1956: Goalkeeper for the youth national team (up to 18 years) in the Central American and Caribbean Championship in El Salvador, earning the nickname “el hombre elástico” (the elastic man) from the Salvadoran press.
1957: Goalkeeper for the national team in the Central American and Caribbean Games in Curaçao, finishing as runners-up to Costa Rica.
1958: Goalkeeper for the Curaçao national team on a European tour, playing in the Netherlands, Denmark, Sweden, Norway, Germany, and France.
1959: Goalkeeper for the Curaçao national team against Santos from Brazil, who had just become club world champions, defending his goal against Pele.
1961-1962: Curaçao champion with Sithoc under Shon Haseth.