Henk ”Henky” Alfons D’Arnault a nasé dia 2 di òktober 1942.
Henky a sera konosí ke e deporte di vòli na Xaverius College, partisipando komo hóben den weganan di skol kontra di skolnan e.o. Radulphus College i Peter Stuyvesant.
Den e weganan Henky a midi forsa kontra di e grandinan di e tempu ei Eda Halabi, Ivan Asjes, Geoffrey Goede, Harold Casper.
Durante un di e partidonan Harold “Pototo” Casper a serká Henky pa hasi un “try out” den e ekipo kampion di Kòrsou Sithoc, ku a resultá un éksito. Ku Sithoc Henky a titulá no ménos ku 14 okashon kampion huntu ku hungadónan manera Toy Leend, Henky de Haseth, Harold Samson, Dito Ravenstein.
Henky su karera tabata impreshonante komo hungadó, árbitro, entrenadó i dirigente. Komo hungadó Henky a partisipá na “Juegos Centro Americanos y del Caribe” na Panama na aña 1970 i na Santo Domingo na aña 1974.
Komo árbitro na aña 1976 Henky a sali esun mas destaká. Na aña 1977 Henky a siguí un kurso pa árbitro internashonal na Santo Domingo. Na aña 1978 Henky a flὺit wega durante C.A.C. na Medelin, Colombia. Na aña 1980 Henky a optené su karnèt ofisial di árbitro internashonal. Na aña 1982 Henky a partisipá komo árbitro na C.A.C. na Santiago de Cuba, na aña1985 Henky a flὺit durante di NORCECA na Santo Domingo tambe durante Torneo Internashonal pa selebrá 10 aña di Independensha di Sürnam. Na aña 1988 Henky a bira miembro di Komishon di Arbitrahe di NORCECA i asina a partisipá na NORCECA na aña 1989 na Puerto Rico. Henky tabata árbitro aktivo di Federashon di Vóliból pa mas ku 35 aña.
Henky na aña 1981 tabata entrenadó di selekshon húbenil na kampeonato na Costa Rica. For di aña 1978 Henky tabata forma parti di direktiva di FEVOKO na masha hopi okashon. Henky tabata tambe un bon pelotero komo pitcher di Antillanos, Chicago, Firestone i Super Shell di aña 1961 te 1970. Di aña 1980 te ku aña 1983 Henky tabata coach di Alpha Zelbo ku pa tres aña konsekutivo a titulá kampion di Kòrsou den beisbòl.
14 di desèmber 1985 Henky a ser instalá komo miembro di honor di FEVOKO. Kampeonato 2013/2014 a ser dediká na Henky.
Henky a partisipá na 4 “Juegos Centro Americanos y del Caribe” aña 1970 komo hungadó i na aña 1978, 1982 i 1986 komo árbitro.
English Version
Henk “Henky” Alfons D’Arnault was born on October 2, 1942.
Henky became known for his involvement in volleyball at Xaverius College, participating as a youth in school competitions against Radulphus College and Peter Stuyvesant, among others. In these games, Henky demonstrated strength against the giants of that time, including Eda Halabi, Ivan Asjes, Geoffrey Goede, and Harold Casper. During one of the matches, Harold “Pototo” Casper approached Henky to try out for the championship team of Curaçao, Sithoc, resulting in success. With Sithoc, Henky earned the title of champion on no less than 14 occasions, alongside players such as Toy Leend, Henky de Haseth, Harold Samson, and Dito Ravenstein.
Henky’s career was impressive, spanning roles as a player, referee, coach, and manager. As a player, he participated in the “Central American and Caribbean Games” in Panama in 1970 and in Santo Domingo in 1974. In 1976, he stood out as a referee, and in 1977, he took a course to become an international referee in Santo Domingo. In 1980, he obtained his official international referee license and continued to referee in various tournaments, including the C.A.C. in Medellin, Colombia, in 1978, and in Santiago de Cuba in 1982. In 1988, Henky became a member of the NORCECA Arbitration Commission, participating in NORCECA in 1989 in Puerto Rico. He remained an active referee for the Volleyball Federation for over 35 years.
In 1981, Henky served as the coach of the youth selection in the championship in Costa Rica. From 1978, he was a part of the FEVOKO board on numerous occasions. Henky also excelled as a baseball player, pitching for teams like Antillanos, Chicago, Firestone, and Super Shell from 1961 to 1970. From 1980 to 1983, Henky coached Alpha Zelbo, which consecutively won the Curaçao baseball championship for three years.
On December 14, 1985, Henky was honored as a member of FEVOKO. The 2013/2014 championship was dedicated to Henky. He participated in four “Central American and Caribbean Games” in 1970 as a player and in 1978, 1982, and 1986 as a referee.