DI 4 TORNEO ‘RANKING’ DI TENIS HUBENIL

WILLEMSTAD.- Tennis Federation Curaçao (TFC) ta organisá awe, djabièrnè 5 di yüni, djasabra 6 i djadumingu 7 di yüni e di 4 torneo ranking di tènis hubenil pa e aña aki. E kompetensia aki lo keda efektuá riba kanchanan di tènis di CSC (Damacor) i RCC (Mon Repos).

Apesar di e siman di prueba na skol, un kantidat di 51 tenista hubenil a inskribí pa kompetí den e di 4 torneo di ranking di TFC. Meskos ku den e tres edishonnan anterior, lo hunga den 4 kategoria di edat serka mucha muhé i mucha hòmber: 10 aña i mas hóben (10U), 12U, 14U i 18U.

E tenistanan den gruponan di edat 10U i 12U ta hunga awe djabièrnè i mañan djasabra mainta na CSC, miéntras ku esnan di 14U i 18U lo bin den akshon na RCC. Esakinan ta trata weganan den e buèltanan preliminar. Tur enkuentro den e asina yamá “main draw” i serinan final lo hunga riba kanchanan di tènis di RCC