WILD CATS TA TUMA REVANCHA RIBA STA. MARIA: 2-1

WILLEMSTAD.- Trempan den wega, esta den promé inning, Randolph Kirindongo a empuhá dos kareda kual nan a resultá di ta sufisiente pa Wild Cats/KJ74 Guardian Group tuma revancha i gana di Sta. Maria Pirates/Chippie ku skor di 2-1. Hopi hende i bon ambiente ayera nochi den Stadion Johnny Vrutaal pa mira e klásiko entre e dos ekiponan aki.

Wild Cats v/s Sta. Maria ayera nochi a hala un públiko grandi ku sigur a disfrutá di un wega di picheo. Ruderly Manuel pa Wild Cats i e kombinashon Claycandy Henriquez i Vincent Antonia pa Sta. Maria a duna tremendo trabou durante di ocho inning promé di traha lugá pa un ‘closer’.

Despues dje karedanan empuhá pa Kirindongo den bòm di promé inning, Sta. Maria ya den su siguiente inning a skor riba kareda empuhá pa Djonny Joubert. Despues di esei, ta picheo a dominá i seronan a keda subi bòrchi.

Pa Wild Cats 2 kareda, 8 hiti2eror.Manuelagana ku 8-1 inning di bon trabou. Randolph Kirindongo a bati di 4-3 i Shurendell Mujica di 4-2.

Pa Sta. Maria Pirates 1-8-1. Claycandy Hariquez a karga ku e derota. Ramiro Balentina a bati di 4-2.