Confederacion Panamericana de Billar ku rekonosementu pa Nelly Zimmerman

WILLEMSTAD – Ayera djabièrnè anochi (1 di ougùstùs) a tuma lugá entrega simbóliko di e rekonosimentu na Gernailys Zimmerman dor di Visepresidente di Confedracion Panamericana de Billar , Sr. Michael Arvelo na Klup di biyar

Boca Stars.

Di 11 pa 24 di yüli un delegashon di Federashon Biyar Kòrsou konsistiendo di 12 atleta a partisipá den Campeonato Panamericana de Pool, na Medellin Colombia, den tur tres disiplina bola 8 ,9 y 10.
Kòrsou un biaha mas ta bolbe saka kara den persona di Gernailys ” Nelly” Zimmerman ku ta logra medaya di bròns den bola 8 y den tantu bola 9 y 10 su resultadonan tabata tremendo finalisando na puesto 5 den tur dos disiplina . Shamir Tremus den hubenil tambe ta logra finalisá den bola 8 na puesto 5,pero den e otro disiplinanan si e kompetensha tabata mas fuerte . Mester menshoná ku den divishon di maskulino senior e kompetensha tabata hopi fuerte pa nos atletanan konsiderando ku mayoria ku a partispa den e panamerikano aki tin e status di profeshonal o pro/am pues nan ta dediká mas tantu tempu na training kompara
ku nos representantenan .Pero den un palabra nos atletanan a duna lo mehor di nan den representashon di nos pais.
Aunke atrobe mester menshona ku 90 porshentu di e kosto di biahe a keda kubri pa e propio atletanan.

Aki ta sigui e prestashon individual di nos representantenan y nan aberahe final :
Hubenil maskulino :
Nomber Bola 8 Bola 9 Bola 10 Aberahe final
Shamir Tremus # 5 # 21 # 13 0.449
Jean Clar Torbed # 13 # 20 # 22 0.355
Richinelo Francisca # 21 # 25 # 23 0.179

Femenina Senior :
Gernailys Zimmerman # 3 # 5 # 5 0.507
Rahil Moeniralam # 26 # 25 # 21 0.372
Fabienne Tremus # 19 # 35 # 22 0.379
Nydia Daal # 25 # 30 # 31 0.172

Maskulino Senior :
Michael Arvelo # 37 # 36 # 27 0.487
Bryan Farah # 40 # 46 # 19 0.467
Jeffrey Nieuwenhuyzen # 53 # 28 # 30 0.456
Giovanni Ariza # 64 # 35 # 54 0.330
Indjomar Bernabela # 48 0.348

Durante di e evento final Confederacion Panamericana de Billar a duna pa prome biaha den nan eksistensha un rekonosimentu úniko na un atleta ku tabatin un aktuashon personal sobresaliente .
Y ku honor inmenso nos tin di anunsia ku e atleta ey ta nada mas y nada ménos ku nos gran multiple medayista Gernailys “Nelly ” Zimmerman ku a keda honra ku un diploma pa Fair Play .
Y pa entrega simbóliko di e diploma aki Nelson Tremus y Federashon Biyar Kòrsou a opta pa hasi esaki djabierne1 di ougustus ku ta dia tambe ku Nelly a hasi aña.
Pues ayera tabata tin dobel selebrashon ) ora a hasi entrega simbóliko di e rekonosimentu na Nelly dor di Visepresidente di Confedracion Panamericana de Billar , Sr. Michael Arvelo i tambe a selebrá Nelly su di 24 aniversario.

Un danki atrobe na Refineria di Kòrsou ku a aportá algu y tambe CSOF .