Lie Marvin Bonevacia a pone rekòrt nobo riba 400 meter na Hulanda

AMSTERDAM – Riba djasabra 26 i djadumingu 27 di yuli a tuma luga e ASICS Nederlandse Kampioenschap Atletiek den Olympisch Stadion na Amsterdam kaminda mester bisa ku banda di Churandy Martina ku 2 oro riba 100 i 200 meter, otro yu di Kòrsou ku tabata grandi ta Lie Marvin Bonevacia.

Durante e kompetensianan di atletismo aki Lie Marvin a kibra e rekòrt Hulandes riba 400 meter ku tabata un rekòrt di 28 aña bieu. Lie Marvin a pone un tempu awor di 45.41 komo rekort nobo Hulandes ku awor ta riba nòmber di un yu di Kòrsou.

Un PABIEN pa Lie Marvin Bonevacia i tur klase di éksito pa e kampionato Europeo.