Kampion Kampion ta!

Federashon di Vòlibòl Kòrsou ku kurso pa árbitro

Federashon di Vòlibòl Kòrsou ku kurso pa árbitro

WILLEMSTAD – Enbista ku pa hopi aña kaba nos organisashon ta konfrontá problema ku e kantidat di rèfri ku tin disponibel pa dirigí weganan I teniendo kuenta ku kampeonato hubenil I kampeonato superior ta pendiente pa kuminsá I ku e weganan hubenil ta keda dirigí pa e mesun rèfrinan, e situashon di skarsedat ta bira aun mas serio.

Pa e motibu aki direktiva un biaha mas ta bai organisá  un kurso di rèfri, di moda ku nos lo por tin sufisiente rèfri.

Ta e intenshon pa start ku e kurso fin di ougùstùs 2013.

Pa e kurso aki tur organisashon mester manda hende pa partisipá.

Pa e kampeonato benidero tur organisashon mester tin por lo ménos 1 rèfri I pa siguiente kampeonato kada tim di organisashon mester tin por lo ménos 1 rèfri.

Personanan ku no ta afiliá na ningun organisashon tambe por inskribí.

Ta súplika organisashonnan pa inskribí nan kandidato no mas lat ku djabièrnè 23 di ougùstùs 2013 na sekretariado di federashon edselsim@yahoo.com of na kennava@mail.com.