Kampion Kampion ta!

Williams Tennis School su ‘Tennis Talent Search’ tabata eksitoso

Williams Tennis School su ‘Tennis Talent Search’ tabata eksitoso

WILLEMSTAD – Williams Tennis School djasabra último, riba e kancha di tènis na Hilton Hotel, a tene un ‘Tennis Talent Search’ pa muchanan entre 6 pa 9 aña di edat ku tin interes pa praktiká e deporte di tènis.

Urguyosamente nan por anunsiá ku e dia aki tabata unu eksitoso mirando ku nan a logra haña un total di 16 hóben, ku pa promé biaha a sera konosí ku e deporte di Tènis. Williams Tennis Service awor lo sigui ku e siguiente parti ku lo ta 10 siman di lès, kuminsando for di 8 di sèptèmber próksimo, kaminda tur e hóbennan interesá por sigui esaki.

Williams Tennis Service a logra hinka un pakete basta ekonómiko den otro kaminda e hóbennan interesá lo mester paga 99 florin pa e 10 simannan di lès aki. Tur hóben ku ainda ta interesá por hasi esaki mandando un sms ku bo datonan na 514-7025 òf via mail na info@wiliamstennisservice.com.Tambe por subi nan wèpsait ku ta www.williamstennisservice.com.

Williams Tennis Service ke hasi uzo di e oportunidat pa gradisí tur patrosinador ku a kere den e proyekto aki ku ta Albert Heyn, Extura, J&N Graphics, tennisplanet.nl, LivingWell/Hilton Hotel, Caribean Fittnes professionals i naturalmente tur medio di komunikashon ku di un òf otro forma a duna un man pa engrandesé e dia aki.