Atleta di aña 2018
Atleta di aña 2018

José "Jo" Mathilda

José Mathilda mihó konosí komo Djo Mathilda tata natural di 3 yu’i (1 yu hòmber i 2 yu’i muhé. Tata deportivo di mas ku 6000 hóben di Santa Maria su bario stima. Ku awendia ta konsistí di hendenan di rònt Kòrsou ku a bin biba den e bario ku a krese masha tantu mes, manera e’ la splika. Un siudadano ku rèspèt pa tur hende. Rèspèt pa grandi i chikí. Komo rekonosimentu pa su gran trabou su Mahestat La Reina a kondekor’é ku medaya di oro den Orde di Oranje na 1972. Pa su dedikashon na deporte di Futbòl i hubentut di Kòrsou en general i komo miembro di direktiva di “Curacaose Voetbal Bond” C. V. B. en partikular, na 1967 a nombr’é’ Miembro di Honor di C. V. B. Esakinan ta dos rekonosementu di mérito  for di un lista di mas ku 12 i ademas vários plaka di honor otorgá na e gran yu tera aki. Ku meresidamente a haña su lugá tambe den salon di fama di

C. S. F. (Curacaose Sport Federatie).

Ku orguyo e mes ta konta ku e la a nase, lanta i semper a biba den Santa Maria.”Trahando pa Formashon di  Hubentut di Santa Maria, mi a traha pa hubentut di henter Kòrsou.

Dedikando tempu na Hubentut, mi a yuda forma esnan ku a bin karga responsabilidat despues. I esei mi ta hasi te ainda, pero na otro manera “.

Na 1937 un chabalitu di apénas 13 aña, ku su amiguitunan, a lanta un  di Futbol den Santa Maria. Un Santa Maria muchu mas chikitu ku awendia. E hobensitu di e tempu ei, “Jo Mathilda” tabata kòrda ku e fecha kla te dia djawe: 11 yanüari 1937. E klup su nòmber DTS, “Door Trainen Sterk”. Nan a afiliá mesora na CVB i a kuminsá hunga den Kompetitie .

 

 E hobensitu “Jo Mathilda” a bira miembro di direktiva i asta Presidente di DTS ora e tabatin apénas 15 aña di edat. Tabata un smak pa mira un presidente hobensitu na karson kòrtiku ta dirigí reunion di miembronan di direktiva di basta mas edat kuné.