Atleta di aña 2018
Atleta di aña 2018

Andres Avelino Constansia

Andres Avelino Constansia, (Futbòl)

Deportista –Dirigente Atministrativo -Dirigente Tékniko

mihó konosí komo Dè, a nasé dia 10 di novèmber 1936.

 

Dé pa mas di 50 aña tabata aktivo den deporte, promé komo hungadó i despues komo dirigente deportivo.

 

 

Komo dirigente Dé a okupá diferente funshon importante den deporte di futbòl.

 

Presidente di “Curaçaose Voetbalbond”,

Vise presidente di N.A.V.U.,

Presidente di N.A.V.U.,

Vise presidente di FEDEPROF,

Dirigente mayó di” Koninkrijks Sportliga”,

Miembro di direktiva i presidente di Jong Colombia,

Miembro di direktiva di “Ongevallenfonds” di FEDEPROF,

Miembro di direktiva di C.F.U.,

Miembro di komishon finansiero di F.I.F.A.

Miembro di Fundashon pa Konsumidó

 

 

 

Dé komo futbolista i dirigente a sa di hiba su klup Jong Colombia for di 1966 te ku 2001 den kampeonato di máksimo kategoria di futbòl di Kòrsou, na konkista di 12 título kampeonil, di kua for di 1971 te ku 1975, 5 título di kampeon den forma konsekutivo. Den kampeonato di futbòl de Antia Ulandes, Dé ku Jong Colombia tambe a marka istoria, konkistando den periodo di 1963 pa 2000, título di kampeon di Antia Ulandes den no ménos ku 12 okashon, i igualá asina e mes kantidat di título kampeonil konkistá den futbòl di Kòrsou. 

Dé tabatin tambe un parti aktivo den aktuashon di Jong Colombia den kampeonato di CONCACAF, ora Jong Colombia na añanan 1968-1979-1995 i 1996 den 4 okashon a titulá kampeon, miéntras na 1994 a logra un sup kampeonato.

Banda di kompetensianan interinsular na Aruba i Bonaire, Dé ku su klup Jong Colombia a partisipá ku hopi éksito na kompetensianan internashonal na diferente pais manera:

Barbados, Haiti, Jamaica, Martinique, San Salvador, Sürnam, Guyana Franses, Guyana Ingles, Trinidad & Tobago, Venezuela, Guadeloupe, Honduras i Merka.

Dia 22 aprel 1991 De a wòrdu nombra komo “officier in orde van Oranje Nassau”.