Atleta di aña 2018
Atleta di aña 2018

Marcel Betrian

Marcel Betrian a kuminsá práktika e ramo di deporte di hisamentu di peso ku 16 aña.

E ta kofundador di e Asosiashon di hisamentu di peso di Kòrsou i esun di Antia.

Den vários Kampeonato, Wega Sentro Amerikano i di Karibe Panamerikano i Mundial, Marcel a fungi komo coach di e delegashon Antiano i komo Rèfri Internashonal.

Marcel a forma parti di direktiva di Komité Olímpiko Antiano durante 8 aña.
Komo entrenadó/Coach di selekshon nashonal di Kòrsou i Antia, Marcel a produsí vários kampeon tantu riba nivel lokal, Antiano Sentro Amerikano i di Karibe, Panamerikano i un rekòrt Mundial den Press, establesé Jossy Flores na Sao Paulo-Brazil na 1963.

Aña pasa Marcel a kumpli 42 aña sirbiendo deporte aktivamente.
Puestonan Okupá:

- Coach di Selekshon di Kòrsou i Antia for di 1974 - 1975
- Miembro di Komishon Tékniko Kondekorashon Sentro Amerikano di Karibe di
  Hisamentu di Peso for di 1959 - 1974.
- Coach di Selekshon di Hibamentu di Peso di Ulanda di 1977 - 1983.
- Miembro di e komishon Tékniko di e Federashon Ulandes di Hisamentu di
  Peso di 1977 - 1983.
- Miembro di Komishon di Regla di e Federashon Ulandes di Hisamentu di Peso di
  1977-1983.