|
Na aña 1947 Wilhelm Canword a kuminsá su karera deportivo. Na edat di 14 aña e ta debutá den e tim hubenil di S.U.B.T. Presidí pa sr. Antoine Maduro Q.e.p.d.
Pa motibu ku S.U.B.T. Junior tabata falta hungadó den defensa, Wilhelm ta kambia di posishon di "rechtsbuiten" pa esun di "full back" posishon ku el a mantené te na final di su karera komo futbolista ku a terminá na aña 1962.
Ya na 1948 Wilhelm, komo hungadó "reserve " ta bira Kampion di Kòrsou ku e promé onsena di S.U.B.T. pa asina inisiá un karera briante komo futbolista. Na 1952 Wilhelm ta forma parti di e selekshon di Antia ku a partisipá na e Weganan Olímpiko di Helsinki-Finlandia. Na aña 1959, Wilhelm a forma parti di e selekshon di Antia ku a hunga weganan Central America and Caribbean Games na Caracas Venezuela .
Durante su karera, Wilhelm a sali na 4 okashon futbolista di aña i su ekipo S.U.B.T. a establesé un rekòrt di gana 6 kampionato invikto, sin pèrdè un partido ni lokal ni internashonal. Wilhelm a establesé un rekòrt di anotá 16 gol den partido den kual S.U.B.T. a derotá e ekipo di Jong Curaçao ku skor di 32-0. Na 1959 Wilhelm ta risibí un oferta i ta bai hunga futbòl profeshonal ku e ekipo N.E.C. na Ulanda te ku 1962, aña ku e ta retirá komo futbolista aktivo i ta kuminsá un karera komo entrenadó, despues di a sigui kursonan di entrenadó na Zeist i a optené e diplomanan di Entrenadó di Futbòl E i D. Wilhelm a kuminsá entrená e ekipo di S.U.B.T. pa despues bai traha ku e ekipo di Scherpenheuvel.Di 1964 te 1968 Wilhelm a konkista e titulo di kampion di Korsou 2 biaha i e titulo di kampion di Antia 2 biaha ku e ekipo di Scherpenheuvel.Na aña 1967 1 biaha kampion i 1 biaha subKampion di Antia .
Na 1970 Wilhelm ta keda asigná Entrenadó di e Selekshon di Futbòl di Antia y ta logra Medaya di Oro den un kampeonato Internashonal na Barbados. Na 1974 Wilhelm ta bolbe komo Direktor Tékniko di S.U.B.T. i ta kontinuá ku un karera den e époka de "Fedeprof" den kual S.U.B.T. ta logra sea e titulo Kampion o Sub-Kampion.Den e temporada aki Wilhelm a logra e titulo Kampionil ku S.U.B.T. durante di 4 aña sigui, na 1982-1983-1984-1985.
Wilhelm Canword a bira Kampion 7 biaha di Fedeprof, den e 11 añanan ku Fedeprof tabata eksistí pa 1 aña so .
Kampion di Fedepof 1977-1979-1980-983-1984-1985
Na Trinidad Wilhelm ta risibí su Diploma di "Entrenadó di Futbòl di F.I.F.A". Na Brazil Wilhelm ta risibí su Diploma di "Entrenadó di Futbòl Profeshonal Mundial" i un Karnèt ku ta inkorpor’é den e "Sindikato di Entrenador-Atletanan di Estado di Rio di Janeiro-Brasil".a aña 1975 Wilhem a wòrdu kondekorá pa Su Mahestat la Reina Juliana ku Medaya di Oro den Órden di Orange Nassau.
|
